Kurs şərtləri

Kurs Şərtləri

DevCommerce kurslarına qoşulan tələbələrin bilməsi vacib olan şərtlər. Bu sənəd kursun strukturu, dəstək forması və materialların istifadəsi haqqında tam məlumat verir.

Kursa Qoşulma

Ödənişi tamamladıqdan sonra dərhal sizə platformaya giriş açılır və bütün modullar əlçatan olur. Self-paced rejimdə öz tempinizdə öyrənirsiniz — heç bir vaxt limiti yoxdur. Hesab açılışı və ilk dərsə qoşulma 5 dəqiqə çəkir.

Kurs Müddəti və Çıxış

Hər kursun davametmə müddəti modul sayına görə dəyişir (2-14 saat video). Kursu istənilən vaxt başa vura bilərsiniz, lakin ən yaxşı nəticə üçün 4-12 həftə tövsiyə olunur. Kurs videolarına ömürlük çıxışınız var — istənilən vaxt yenidən izləyə bilərsiniz.

Mentor Dəstəyi

Hər kurs 6 ay mentor dəstəyi ilə müşayiət olunur. Bu müddət ərzində:

• WhatsApp grupuna giriş
• Platforma daxili çat 24/7
• Həftəlik canlı zoom Q&A sessiyaları
• Fərdi konsultasiya (ayda 1 dəfə)
• Tələbə icmasında networking

6 ay bitdikdən sonra videolar qalır, lakin canlı dəstək dayandırılır. Uzadılmış dəstək paketi əlavə ödəniş ilə əldə edilə bilər.

Sertifikat

Bütün modulları və yekun testi (ən azı 70% düzgün cavab) uğurla bitirdikdən sonra rəsmi DevCommerce sertifikatı alırsınız. Sertifikat:

• Unikal kod ilə doğrulanır
• LinkedIn profilinizdə göstərilə bilər
• CV-də istifadə oluna bilər
• Korporativ təlim halında şirkət adına verilir

Material İstifadəsi

Kursda təqdim olunan video, mətn, şablon və alətlər yalnız şəxsi öyrənmə məqsədilə istifadə oluna bilər. Üçüncü şəxslərlə paylaşılması, kommersiya istifadəsi və yenidən satışa çıxarılması qətiyyən qadağandır. Bu qaydanın pozulması hesabın bloklanmasına və hüquqi məsuliyyətə səbəb ola bilər.

Kurs Yenilənməsi

DevCommerce kurslarını ildə 2-3 dəfə yeniləyir — eBay siyasətləri, Amazon alqoritmləri, yeni platformalar (TikTok Shop) əlavə olunduqca. Tələbə bütün yenilənmələrə avtomatik çıxış əldə edir.

Texniki Tələblər

Kurslar HD (1080p) videolardan ibarətdir. Lazım olanlar: stabil internet (5+ Mbps), modern brauzer (Chrome, Safari, Firefox), məzmun çəkmək üçün 2-3 GB yaddaş.